ABIES

ABIES

firmissima in operibus, cumrecta statuitur. Plin. l. 16. c. 42. Firmissima in rectum abies, eadem valvarum repagulis et ad quoecumque libeat intestina opera firmissima, sive Groecô, sive Campanô sive siculô Fabricoe artis genere spectabilis, ramentorum crinibus, pampinatô semper orbe se volvens, ad incitatos runcinarum raptus. Sic Theophrastus, firmam dicit esse ficum, si modo in rectum collocetur, at firmissimam longe abietem hôc modô positam, l. 5. c. 7. Eadem valvarum repagulis, vel paginis; duplices enim hae et complicantur replicanturque, ut librorum paginae: Et ad quaecumque intestina opera, etc. Ergo valvae ex intestino opere, ad quae sola medulla Abietis adhibita; eiectô torulô, h. e. circulô corriceô vel ligni alburnô, quod medullam ambit ut ex Vitruvio l. 2. c. 9. discimus. Plinius quoque, l. 16. c. 39. ubi de Abiete, Ad Fabrorum intestina opera medulla sectilis optima quadripartitis materiis et mollior quam ceterae. Talis enim est in eâ patte quâ proxima terrae est, quadruplici nempe venarum cursu fluviata. Dixerunt autem Latini huiusmodi venarum cursus in arboribus fluvios ac fluviari arborem, quae venis distingueretus: et quidem quae quadrifidos earum cursus haberet, ut Abies, τετράζοον seu τετράροον potius appellavêre Graeci, sicur quae bifidos, διζοον seu δίροον: etc. Vide infra, ubi de Intestino opere et plura hanc in rem, apud Salmas. ad Solinum p. 133, et seqq, uti de AbietumSylva, in vitro repraesentatâ, adspectantium stuporem, itidem infra lemmate Metallica planta: de muribus vero Moscicis Ponticisque in Abietum cavitatibus fastigiisque nidificantibus, infra Mures Moscovitici.